तुमचे केस पांढरे नसावे अशी तुमची इच्छा आहे का? तुम्ही एकटे नाही आहात, म्हणून काळजी करू नका. अकाली केस पांढरे होणे जे अनेक लोकांमद्धे ४० वर्षापर्यंत चालू होते, जेव्हा तुमचे केस त्यांचा मूळ रंग गमावू लागतात. धूम्रपान, ताणतणाव, प्रदूषण, आनुवंशिकता, खराब आहार आणि इतर घटक यास कारणीभूत ठरू शकतात. तरी काळजी करू नका कारण अकाली पांढरे केस वाढणे थांबवण्यासाठी तुम्ही काही गोष्टी करू शकता.
अतिरिक्त अँटिऑक्सिडेंट्स वापरा.
फ्री रॅडिकल्स हे धोकादायक रेणू आहेत जे तुमच्या DNAमध्ये व्यतव्य आणू शकतात आणि वृद्धत्वाची प्रक्रिया वाढवू शकतात. अँटिऑक्सिडेंट्स हे संयुगे आहेत जे आपल्या पेशींना हानिकारक रेणूंपासून वाचवतात. अँटिऑक्सिडेंट्स तुमच्या केसांचा रंग टिकवून ठेवण्यास आणि ते फिकट होण्यापासून थांबविण्यास मदत करू शकतात. बेरिज, लिंबू, हिरवा चहा, डार्क चॉकलेट, सुका मेवा आणि बिया हे काही अन्नपदार्थ आहेत ज्यामध्ये अँटिऑक्सिडेंट्स भरपूर प्रमाणात असतात.
डोक्याला मसाज द्या.
तुमच्या टाळूची मालिश केल्याने तुमचे रक्त वाढते आणि केसांना पोषण मिळते. हे तुमचे केस पांढरे होण्यापासून थांबवते आणि मजबूत व निरोगी बनवते. बदाम तेल, खोबऱ्याचं तेल, ऑलिव्ह तेल आणि एरंडेलच तेल ह्यांची मालिश करून तुम्ही आठवड्यातून दोनदा मालिश करू शकता.
तणाव कमी करा.
केस लवकर पांढरे होण्यासाठी सर्वात मुख्य घटक म्हणजे तणाव. कॉर्टिसॉल हा एक संप्रेरक आहे जो तुमच्या केसाच्या वाढीवर परिणाम करतो आणि ते गळून पडण्याची आणि पांढरे होण्याची शक्यता वाढवतो. तणावामुळे तुमची रोगप्रतिकारक शक्ती कमी होते आणि रूमच्या केसांना हानी पोहोचते. योगा, ध्यान, प्राणायाम किंवा संगीत ऐकणे यांसारख्या क्रियांमुळे मन शांत होते आणि तणाव कमी होतो.
धूम्रपान सोडा.
धुम्रपानामुळे केस पांढरे होण्याचा धोका हा भरपूर वाढतो. धुम्रपानामुळे तुमच्या केसांना आणि टाळूला हानी पोहोचते आणि त्यांना मिळणार ऑक्सिजन कमी होतो. याव्यतिरिक्त, धूम्रपान केल्याने तणाव आणि फ्री रॅडिकल जनरेशन मध्ये वाढ होते. धुम्रपानामुळे हार्मोन्स वर परिणाम होऊ शकतो आणि त्यांचा संतुलन बिघडते. ह्यामुळे केश लवकर पांढरे होतात आणि गळू लागतात.
सेंद्रिय उपचार करा.
1. कढीपत्ता-
कढीपत्त्याच्या गरम तेलामध्ये उकळवून त्याची मालिश करा. कढीपत्त्यांमध्ये भरपूर जीवनसत्वे असतात ज्यामुळे तुमच्या केसांचे आरोग्य वाढते आणि रंग सुधारतो.
2. आवळा –
आवळा केसांसाठी खूप प्रसिद्ध आहे आणि आवळ्यामधले व्हिटॅमिन सी केसांचा पांढरेपणा रोखण्यास मदत करतात आणि केसांना वाढ देतात. दररोज ताजे आवळे खा किंवा त्याचा रस प्या, किंवा तुम्ही त्याचे तेल किंवा पेस्ट पण लावू शकता.
3. हेना –
हा नैसर्गिक रंग केसांना तांबूस आणि तपकिरी रंग देऊ शकतो आणि ते चमकदार आणि गुळगुळीत देखील करतो. महिन्यातून एकटा केसांना थोडे हेन्नाचे पाणी किंवा त्यात दही मिसळून लावा.